Stqarrija 6/15
Konferenza tal-Aħbarijiet fl-Iskema ta’ Xandiriet
għar-Referendum dwar il-Kaċċa fir-Rebbiegħa 2015
Bi tħejjija għar-Referendum tal-11 ta’ April, l-Awtorità tax-Xandir ser tkompli l-iskema ta’ xandiriet tagħha bil-għan li l-Movimenti li jiffurmaw parti mill-kampanja referendarja jkunu jistgħu jwasslu l-messaġġ tagħhom fuq ix-xandir.
Bi tħejjija għar-Referendum tal-11 ta’ April, l-Awtorità tax-Xandir ser tkompli l-iskema ta’ xandiriet tagħha bil-għan li l-Movimenti li jiffurmaw parti mill-kampanja referendarja jkunu jistgħu jwasslu l-messaġġ tagħhom fuq ix-xandir.
Għal dan il-għan nhar l-Erbgħa 1 t’April 2015, ser tixxandar it-tieni Konferenza tal-Aħbarijiet f’din l-iskema ta’ xandiriet.
Matul din il-Konferenza tal-Aħbarijiet ir-rappreżentant tal-Moviment IVA Bħala Maltin u Ewropej, Joe Perici Calascione se jkun qed jirrispondi għall-mistoqsijiet tal-ġurnalisti minn diversi djar tal-midja b’rabta mal-kaċċa fir-rebbiegħa.
Din il-Konferenza tal-Aħbarijiet ser tixxandar fuq TVM2 u Radju Malta fid-20:45 dakinhar stess.
Mario Axiak
Kap Riċerka u Komunikazzjoni
30 ta' Marzu 2015